Манас шаарында газ менен жүрүүчү автобустар каттамга чыкпай жатканына 6 күн болду
Акыйкат Инфо
Шаар бийлиги анын негизги себебин жаратылыш газынын басымынын төмөндөп кеткендиги менен байланыштырып жатат. Шаар мэринин орун басары Уларбек Исмаилов, жаратылыш газынын басымы калыбына келгенде автобусттар каттамга чыгаарын айтат.
“ Калаа аймагында жүргүнчүлөрдү 60 муниципалдык автобус тейлейт. 11-марттан бери күндөн бери 10 электробус жана жеке менчик жүргүнчүлөрдү ташуучу компаниялардын кичи автобустары каттамга чыгып жатат. Газдын басымы калыбына келээр замат муниципиалдык автобазадагы автобустар каттамга чыгышат”-,деди вице мэр У. Исмаилов.
Калаада коомдук транспорттун каттамдарды үзгүлтүккө учурашы биринчи жолу эмес, мындай көрүнүш аба-ырайы кескин суук болгон учурда утур- утур кайталанып келет. Бийлик газ коңшу Өзбекстандан келээрин, мындан улам басым азайып жатканын, бирок бул көрүнүш жакынкы суткада калыбына келээрин кошумчалады.
Эске салсак, 2023-жылдын 26-октябрында президент Садыр Жапаров шаар күнүн утурлай белек катары “ Zhongtong “ үлгүсүндөгү 50 автобусту тапшырган.
Автобустар метан газы менен жүрүп, ага 24-34 жүргүнчү батат. Автобустун узундугу 12 метрге чейин жетет.
