ЭАУнун студенти Аруке Акибаева мелдеште ийгилик жаратты
Акыйкат Инфо
Өткөн аптанын 19-22-февраль кундөрү Бишкек шаарында Кыргыз Республикасынын Белбоо күрөшү боюнча чемпионаты өткөрүлдү. Ага Жалал-Абад шаарындагы К.Ш. Токтомаматов атындагы Эл аралык университеттин (ЭАУ, Жалал-Абад шаары) Гуманитардык-экономикалык колледжинин «Мектепке чейинки билим берүү» адистиги боюнча 2-курсунун студенти Акибаева Аруке Мухамметовна 63 кг салмагында катышып 3-орунду ээледи. Бул туурасында аталган окуу жайдан администрациясы кабарлады.
Алар билдиришкендей Аруке Акибаева окуу жайдагы мыкты студентердин бири. Ал дайым спорт менен алектенип, анын натыйжасында бир топ ийгиликтерди жаратып окуу жайдын атын да ар тарапка таанытууга салым кошуп келет. Университеттин жамааты спортчуну ийгилиги менен куттуктап жана жаңы бийик жеңиштерди каалашты.
