Жаңы жылда өрт коопсуздугу – ар бирибиздин жоопкерчилигибиз

Жаңы жыл — кубанычка, жакшылыкка толгон майрам. Бирок майрамдык шаңды кайгылуу окуяга айлантпоо үчүн өрт коопсуздугун сактоо өзгөчө маанилүү. Статистика көрсөткөндөй, жаңы жылдык күндөрү өрт кырсыктары көбүнчө электр шаймандарын туура эмес колдонуу, шамдар жана пиротехникалык буюмдар менен байланыштуу болот.

Алгач, жаңы жылдык балатыга өзгөчө көңүл буруу зарыл. Электр гирляндаларынын сапаттуу, заводдон чыккан жана бузулбаган болушу маанилүү. Зымдары ачык же ысыган гирляндаларды колдонууга болбойт. Балатыны жылуулук булактарына — мешке, жылыткычка же плитага жакын орнотпоо керек. Балатыны өчүрбөй уктап калуу да чоң коркунуч жаратарын унутпоо зарыл.

Экинчиден, электр шаймандарын колдонууда сак болуу керек. Бир розеткага көп шайманды кошуу зымдардын ысып, өрт чыгышына алып келиши мүмкүн. Үйдөн чыгып жатканда телевизор, үтүк, жылыткыч сыяктуу шаймандар өчүрүлгөнүн текшерүү адатка айланышы зарыл.

Үчүнчүдөн, шамдарды колдонууда этияттык талап кылынат. Шамдарды күйүп турган бойдон кароосуз калтырбоо, күйүүчү буюмдардан алыс коюу керек. Айрыкча балдар бар үйдө шам колдонбоо эң коопсуз чечим болуп саналат.

Ошондой эле пиротехникалык буюмдарга байланыштуу эрежелерди сактоо маанилүү. Мындай буюмдарды мыйзамда уруксат берилбеген жерлерде жана көзөмөлсүз колдонуу адам өмүрүнө жана мүлккө олуттуу зыян келтириши мүмкүн. Балдарга пиротехникалык буюмдарды карматпоо — ата-энелердин негизги милдети.

Жаңы жылды тынч, коопсуз жана бактылуу тосуу ар бирибиздин колубузда. Өрт коопсуздугунун жөнөкөй эрежелерин сактоо менен биз өзүбүздү да, жакындарыбызды да коргой алабыз. Майрамыңыздар коопсуз жана берекелүү болсун!

Жаңы-жыл майрамын тосуудагы өрт-коопсуздугу

жана приротехникалык каражаттарды колдонуудагы коопсуздук эрежелери !!!

Төмөнкүлөргө тыюу салынат:

1) иш-чараларды терезелери тордолгон бөлмөлөрдө өткөрүүгө;

2) догоо түрүндөгү прожекторлорду, шамдарды жана тарсылдактарды колдонууга, фейерверктерди жана башка өрт чыгуу коркунучун туудурган жарык бергичтерди колдонууга;

3) от алып кетүүчү, башка жарылуу, өрт коркунучун келтирген иштерди жүргүзүүгө;

4) имараттын ичин караңгылатуу үчүн терезе тоскучтарды пайдаланууга;

5) отургучтардын катарларынын ортосундагы өткөөлдөрдүн жазылыгын азайтууга жана өткөөлдөргө кошумча креслолорду, отургучтарды коюуга;

6) иш-чара өтүп жаткан учурда жарыкты толук өчүрүүгө;

7) имарат-жайга элди долбоордук документтерде белгиленгенден ашык толтурууга;

8) колго жасалган электр гирлянддарын, жарык музыка түзүлүштөрүн, электромузыка аппаратурасын, балатыны айландыруучу түзүлүштөрдү колдонууга жана балаты гирлянддарынын өчүп-күйүүсүнө.

228. Ачык жагылган отту колдонуу менен башкарылбаган учуучу фонариктерди пайдаланууга жана учурууга тыюу салынат.

229. Пиротехникалык заттарды пайдаланууда төмөнкүлөргө тыюу салынат:

1) салюттарды имараттарга жана курулмаларга 50 метрден жакын аралыкта, бак-дарактардын түбүндө жана бастырмалардын астында аттырууга;

2) аларды шамалдуу аба-ырайында колдонууга.

230. Жаңы жыл майрамдарын өткөрүүдө балаты имарат-жайдан чыгууга тоскоолдук кылбагандай эсеп менен бекем орнотулууга тийиш.

Балатынын бутактары дубалдан жана шыптан бир метрден кем эмес аралыкта болушу керек.

231. Балатыга жарык берүүдө (зымдардын ысып кетиши, лампочкалардын тез-тез күйүп кетиши, учкундун чыгышы ж.б.) кичине эле бузугу байкалганда иллюминация дароо өчүрүлүүгө жана алардын бузугу табылып жана оңдолгондон кийин гана иштетилүүгө тийиш.