Манас: шаар прокурору окуучуларга өз кеңешин берди (сүрөт баян)
Акыйкат Инфо
0
11
Манас шаарынын мэриясы жана шаардык прокуратура менен биргеликте «Кылмыш бир мүнөттө башталат — кесепети узакка созулат» урааны алдында иш-чара өткөрдү.
Иш-чаранын негизги максаты — жаш өспүрүмдөр арасында зордук-зомбулуктун жана кылмыштуулуктун алдын алуу болуп, ал Манас шаарындагы көркөм-сүрөт интернат мектебинде уюштурулду.
Жолугушууга Манас шаарынын прокурору Эркингүл Урдалетова, мэриянын социалдык өнүгүү бөлүмүнүн жетектөөчү адиси Бегимай Тойгонбаева жана шаардык билим берүү бөлүмүнүн өкүлдөрү катышты.
Иш-чаранын жүрүшүндө окуучуларга мыйзамдуулукту сактоо, жоопкерчилик жана коопсуз жүрүм-турум боюнча түшүндүрүү иштери жүргүзүлүп, пайдалуу кеңештер берилди.
Мындай иш-чаралар жаштар арасында укук бузуулардын алдын алууга жана коомдогу коопсуздукту чыңдоого багытталган.
