Түгөлбай Муратов Ала-Бука районунун акиминин биринчи орун басары болуп дайындалды
Акыйкат Инфо
44 жаштагы Түгөлбай Муратов Ала-Бука райондук мамлекеттик администрациясынын башчысы-акимдин биринчи орун басары болуп Муратов Туголбай Асилбекович дайындалды. Мындай маалыматты Президенттин Жалал-Абад облусундагы ыйгарым укуктуу өкүлчулүгүнөн кабарлашты. Маалым болгондой, жаңы дайындалган акимдин орун басарын бүгүн Президентинин Жалал-Абад облусундагы ыйгарым укуктуу өкүлүнүн аппарат жетекчиси Адилет Акбаралиев район активине тааныштырды.
Буга чейин, бул кызматты Муктар Шербаев аркалап келген, ал буга чейин Нарын облусунун Ак-Талаа районуна аким кызматына дайындалган болчу.
Резюме:
Аты-жөнү: Муратов Түгөлбай Асилбекович
Туулган жылы, айы, күнү: 07. 09. 1982-жыл
Туулган жери: Жалал-Абад облусунун Сузак районуна караштуу Кара-Дарыя айыл аймагынын Чаңгыр-Таш айылын.
Билими: Жогорку.
1999-2004-жылдары Жалал-Абад мамлекеттик университетинин инженердик-технологиялык факультетинде жогорку билим алган.
Эмгек жолу:
1. 2012-жылдан 2016-жылга чейин Сузак райондук кеңешинин депутаты.
2. 2014-2015-жылдары Сузак аймактык ооруканасынын Чаңгыр-Таш филиалынын чарба иштери боюнча башчысы.
3. 2015-2016-жылдары Сузак райондук мамлекеттик администрациясынын социалдык секторунун жетектөөчү адиси.
4. 2017-2018-жылдары Сузак райондук мамлекеттик администрациясынын уюштуруу иштери жана иш кагаздары менен камсыздоо бөлүмүнүн адиси.
5. 2018-2020-жылдары Сузак райондук мамлекеттик администрациясынын реалдуу секторунун башчысы.
6. 2020-2021-жылдары Сузак райондук мамлекеттик администрациясынын социалдык секторунун башчысы.
7. 2021-2023-жылдары “CASA-1000 Жергиликтүү коомчулуктарды колдоо үчүн кошумча каржылоо Кыргыз Республикасынын коомчулукту өнүктүрүү жана инвестициялоо агентствосу АРИС Долбоорунун” Базар-Коргон району боюнча эксперти.
8. 2021-2024-жылдары Кара-Дарыя айылдык кеңешинин депутаты.
9. 2024-жылы Жалал-Абад шаардык мэриясынын уюштуруу иштери жана персоналды башкаруу бөлүмүнүн башкы адиси болуп эмгектенген.
10. 2024-жылдын 1-декабрынан 2026-жылдын 17-февралына чейин Кыргыз Республикасынын Президентинин Жалал-Абад облусундагы ыйгарым укуктуу өкүлүнүн аппаратынын Уюштуруу-инспектордук, кадр иштери жана мониторинг жүргүзүү бөлүмүнүн башкы адиси кызмат ордунда эмгектенип келген.
